Nova
A campaña “Galicia sabe AMar” da Xunta chega ao CEIP Leirado, en Salvaterra de Miño, co reparto gratuíto de pestiscos
1 de 2
2 de 2
A iniciativa da Xunta promove o consumo de produtos do mar, impulsa a súa venda e pon en valor o labor dos profesionais da pesca e do marisqueo
Salvaterra de Miño (Pontevedra), 19 de marzo de 2025
A delegada territorial da Xunta de Galicia en Vigo, Ana Ortiz, visitou este mércores xunto a campaña GALICIA SABE AMAR da Consellería do Mar que chegou a Salvaterra de Miño para promover o consumo de peixes e mariscos. As foodtruccks que percorren todo o territorio nacional repartirán petiscos de forma gratuíta no CEIP Plurilingüe Leirado, en Salvaterra do Miño.
Esta iniciativa da Consellería do Mar pretende mostrar a versatilidade dos produtos acuícolas e poñer en valor o traballo das xentes do mar que traballan na extracción, produción, comercialización e transformación das distintas especies para a súa posta a disposición dos consumidores; en definitiva, da cadea mar-industria.
En total, son catro foodtrucks as que están a percorrer Galicia, preferentemente os concellos de máis de 1.000 habitantes. O número mínimo de degustacións totais que realizarán son 600, en 2024, e 800, en 2025.
A campaña está apoiada con distinto material promocional, a través do que se informa aos destinatarios sobre a importancia social e económica do sector do mar; se pon en valor a actividade da pesca e o marisqueo en Galicia; se promove unha xestión sostible dos recursos tanto dende o punto de vista económico, como ambiental e social; e se garante a trazabilidade dos produtos pesqueiros e a súa seguridade alimentaria.
