Nova
Villaverde sitúa a innovación como elemento clave na protección do medio mariño
1 de 2
2 de 2
A conselleira do Mar reuniuse co xerente da empresa Subacutic, especializada no desenvolvemento de solucións tecnolóxicas innovadoras
Santiago de Compostela, 13 de abril do 2026
A conselleira do Mar, Marta Villaverde, reuniuse co xerente de Subacutic, Tomás Rodríguez, para coñecer os proxectos nos que están traballando e trasladoulles que, para a Consellería, a innovación é clave no impulso de actuacións dirixidas a reducir o impacto ambiental das actividades no mar, optimizar o consumo enerxético das embarcacións e promover prácticas respectuosas co ecosistema dos océanos.
Neste senso, a dirixente autonómica coñeceu de preto as actividades nas que está inmersa esta empresa especializada no desenvolvemento de solucións tecnolóxicas innovadoras para a mellora da sustentabilidade do medio mariño. Un encontro que se enmarca na estratexia da Xunta de promover un modelo de crecemento azul sostible, aliñado cos obxectivos ambientais europeos e co futuro do sector marítimo-pesqueiro de Galicia.
