Nova
Villaverde explora coa decana de Ciencias do Mar da Universidade de Vigo novas vías de colaboración para o sector do marisqueo
1 de 2
2 de 2
Santiago de Compostela, 4 de maio do 2026
A conselleira do Mar, Marta Villaverde, acompañada da directora xeral de Desenvolvemento Pesqueiro, Ángeles V. Suárez, reuniuse este luns coa decana da Facultade de Ciencias do Mar da Universidade de Vigo, Elsa Vázquez, no marco da rolda de contactos e de escoita activa que a dirixente autonómica está a levar a cabo cos distintos axentes vinculados ao sector marítimo-pesqueiro.
No transcurso do encontro a decana do centro universitario trasladou a Villaverde os proxectos que a Facultade de Ciencias do Mar prevé desenvolver en prol do marisqueo nas rías de Vigo e Pontevedra. Pola súa banda, a conselleira destacou o compromiso da Xunta co fortalecemento do sector como actividade clave para a economía e o emprego nas zonas costeiras de Galicia, apostando pola ciencia e a cooperación institucional como piares fundamentais para contribuír á súa sustentabilidade.
