Nova
A Xunta apoia con preto de 200.000 euros a mellora da capacidade produtiva dunha empresa cambadesa
1 de 2
2 de 2
Pontevedra, 12 de xuño de 2026
O delegado territorial da Xunta en Pontevedra, Pablo Fernández, visitou esta mañá as instalacións da empresa Cermar S.L., en Cambados, con motivo das axudas destinadas a pemes do sector transformador.
Trátase dunha liña de axudas que busca fomentar unha pesca e acuicultura máis sostibles e que contribúan a mellorar a seguridade alimentaria. Neste sentido, a empresa cambadesa recibiu unha achega de preto de 200.000 euros coa que ademais espera mellorar a súa capacidade produtiva.
O delegado territorial aproveitou a visita para poñer en valor a excelencia das empresas relacionadas cos produtos do mar galegas e moi especialmente as do Salnés e asegurou que dende a Xunta “seguiremos apoiando ao sector produtivo galego para que manteña a merecida fama da que goza dende hai tantos anos”.
