Nova
Villaverde recibe á Federación de Usuarios do Porto de Vigo
1 de 2
2 de 2
A conselleira do Mar destaca a relevancia da terminal viguesa no sector marítimo-pesqueiro e na Economía Azul de Galicia
Santiago de Compostela, 22 de xuño de 2026
A conselleira do Mar, Marta Villaverde, recibiu hoxe ao novo presidente da Federación de Usuarios do Porto de Vigo (FUPV), Eloy García e a parte da súa recentemente constituída xunta directiva, para coñecer os seus plans actuais e de futuro á fronte desta organización sen ánimo de lucro que agrupa a oito organizacións empresariais vinculadas á terminal viguesa.
Villaverde destaca a importancia do Porto de Vigo, que concentra o 40 % do PIB da cidade, ademais de ser un dos líderes da franxa atlántica europea.
A conselleira do mar sinala que a Federación de Usuarios do Porto de Vigo, que representa a máis de 600 empresas e 33.000 traballadores, é un bo exemplo do peso estratéxico que ten o sector do mar en Galicia e do compromiso cos avances tecnolóxicos na busca dun desenvolvemento equilibrado entre os portos e as cidades.
